మొక్కేందుకు వెళ్తే జీవీఎల్ ను కాలితో తన్నిన ఆవు

బీజేపీ రాజ్యసభ సభ్యుడు జీవీఎల్ నరసింహారావుకు ఒక ఊహించని అనుభవం ఎదురైంది. ఒక ఆవుకు నమస్కరించేందుకు వెళ్లగా అది ఆయనను వెనుక కాలితో తన్నింది. వివరాల్లోకి వెళ్తే గుంటూరులో మిర్చి ఎగుమతిదారుల అసోసియేషన్ కార్యాలయం ఈరోజు ప్రారంభమైంది. ఈ కార్యాలయాన్ని ప్రారంభించేందుకు జీవీఎల్ వచ్చారు. 

కార్యాలయం ప్రారంభోత్సవం కోసం అసోసియేషన్ వారు ఒక ఆవును తీసుకొచ్చారు. ఈ సందర్భంగా ఆవుకు నమస్కరించేందుకు వెళ్లగా అది ఆయనను తన్నింది. అయితే పెద్దగా దెబ్బ ఏమీ తగల్లేదు. మరోసారి మొక్కేందుకు ప్రయత్నించగా అది మరోసారి కాలు లేపింది. దీంతో, అక్కడున్న వారు ఆయనను పక్కకు తీసుకెళ్లారు. ఆ తర్వాత ఆయన అక్కడి నుంచి వెళ్లిపోయారు.